Mira que boca

O mércores 18 de xuño, o alumnado de Educación Infantil recibiu unha serie de sesións impartidas polo persoal do Sergas. Ditas sesións centráronse nos hábitos máis sinxelos,pero básicos para manter unha boa saúde bucodental. Tamén falouse da importancia da dieta para a saúde dos dentes, así como da rutina diaria de tres cepillados. Os nenos/as recolleron moi ben a información que lles deron, e tamén é certo que cada vez máis os pais/nais traballan xa na casa a limpeza e a hixiene. Ao finalizar a formación máis teórica (de maneira lúdica), os alumnos/as laváronse os dentes (de xeito simbólico) e amosaron o aprendido. O obxectivo era identificar o que é bo e malo para a súa boca, e que aprendan a lavar os dentes.

Xornada de acollida

O día 3 de xuño de 11:45 a 13:30 da mañá, co obxectivo de acadar unha mellor transición entre as etapas e reducir a posible inquedanza que isto poida ocasionar no alumnado, organizouse unha visita guiada polas instalacións do IES para o alumnado de 6º de Educación Primaria.

Día Internacional contra o acoso escolar

Apuntámonos a non beber

Neste 2º trimestre tivemos unha intervención no centro escolar para o alumnado de 6º de Educación Primaria. Dita intervención foi realizada por unha persoa da xefatura territorial de sanidade responsable do programa Apuntámonos a non beber. Fíxose fincapé na análise con espírito crítico da publicidade de bebidas alcohólicas e en ter coñecementos básicos da Lei 11/2020, de 17 de decembro, de prevención do consumo de bebidas alcohólicas en menores de idade.

A empatía

A empatía implica intentar comprender o que sente outra persoa. Por exemplo, se un amigo/a cae e magóase, é posible que sintas compaixón por el/a e desexes axudalo en lugar de rirte del. A empatía é como un superpoder que todos/as podemos usar. Ao tratar de entender o que sinten os outros/as, podemos facer que o mundo sexa un lugar mellor. Mediante personaxes carismáticas e situacións relatables, utilizamos contos como unha fiestra a leccións valiosas sobre a resiliencia, a xestión de emocións e a importancia dunha actitude positiva.

Obradoiro A Revolución Teenagers

Dende a Área Sanitaria de Ourense, Verín e O Barco de Valdeorras consideran de vital importancia que os nenos/as adquiran nocións básicas sobre prevención de condutas de risco ante esta nova etapa que están empezando: A adolescencia.Unha etapa de cambios, moi emocionante para eles/as, na que se consolidan comportamentos, actitudes e aptitudes, claves para a súa vida. De aí que profesionais de Atención Primaria desta área, levaron a cabo un obradoiro no noso centro, para os nenos/as de 6º de Primaria. Nel tratáronse temas de educación sexual, emocional e prevención de condutas de risco (alcol, tabaco...), todo isto adaptado a esta idade e de forma amena e dinámica.

Matilda no cole

O pasado 18 de marzo, os alumnos/as da etapa de Educación Infantil participaron nun taller impartido por especialistas do centro de saúde de Ribadavia. O obxectivo principal era ensinar primeiros auxilios aos nenos/as a través do xogo. O obxectivo específico coñecer a opinión do profesorado sobre a formación.

Actividades do 8M

Unha das actividades levadas a cabo durante esta conmemoración, estaba relacionada co PDI (A viaxe do CEIP ao mundo). Tendo en conta dito aspecto centrámonos na vida de mulleres pertencentes ao lugar ao cal estaba viaxando cada curso. Posteriormente cada aula foi libre de realizar calquera outra actividade que considerou oportuna.

Día Escolar da Non Violencia e a Paz

O pasado 30 de xaneiro celebranos no noso centro o Día Escolar da Non Violencia e a Paz Realizamos a actividad "O Xardín da Paz". Cada grupo/clase decorou a flor típica do seu país (no centro estamos a desenvolver un PDI) e posteriormente colocáronse todas xuntas nun rincón do centro.

Os xardíns da paz son espazos que fomentan a construcción de comunidaades máis fortes e cohesionadas. Crean un sentido de pertenza e promoven a interacción social.

Controlar as túas emocións e accións

Non sempre podemos controlar o que nos sucede, pero podemos controlar como reaccionamos. Hoxe en día podemos ser felices mesmo cando as cousas son difíciles. Podemos ensinar a ser honestos, humildes e amables. Mesmo cando temos medo podemos ser valentes e fortes. O pasado luns 27 de xaneiro embarcámonos nunha viaxe para aprender a ser compasivos e cheos/as de sabiduría en calquera situación. En dita viaxe tamén teñen que acompañarnos as familias. De nada sirve o aprendido senón concorda coas dinámicas da casa.

Apuntámonos a non beber

O pasado venres 10 de xaneiro, desenvolveuse no noso centro o programa: "Apuntámonos a non beber". Dito programa ten como obxectivo previr o consumo de bebidas alcohólicas e enerxéticas en menores de idade, atrasar a idade do seu comezo e, no caso de que xa se iniciase o consumo, indicar os pasos a seguir para modificar as pautas educativas e de conduta relacionadas co mesmo. Fíxose unha intervención para o alumnado de 6º de Educación primaria por parte da persoa da xefatura territorial de sanidade responsable do programa.

Día da discapacidade

A través desta xornada, búscase concienciar sobre os dereitos das persoas con discapacidade, visibilizar as súas dificultades e, sobre todo, recoñecer o valor da súa participación activa na sociedade.

Semana do 25 N

Para abordar a problemática da violencia con nenos/as pequenos débense organizar actividades nas que se describan distintas accións ou situacións, tanto de respecto como de non respecto aos dereitos dos nenos/as no contexto escolar e na vida diaria. Cando teñan maior idade poderemos profundizar dun xeito dintinto no tema.

Explicar o TDAH aos nenos/as

Para comezar, convén destacar que o neno/a con TDAH é precisamento iso, un neno/a. Polo tanto, ten as mesmas necesidades que todos os seus iguais, incluíndo a de sentirse querido/a, incluído/a e apoiado/a. O primeiro que pode aportar a outros nenos/as máis alá de que presente un trastorno ou non, é unha amizade sincera, sa e duradeira.

Coordinación Servizos Sociais do Concello

Todos os meses, a xefatura do departamento de orientación coordínase cos Servizos Sociais do Concello. Dita reunión constitúe un apoio para o centro educativo. Abordamos situacións de vulnerabilidade social, facilitando a integración do alumnado pertencente a minorías, detectando situacións de risco (problemas emocionais, absentismo escolar, ploblemáticas sociofamiliares...) e favorecemos a participación das familias na comunidade educativa.

Equipo de mediación

Ao londo desta semana comezará a funcionar o equipo de mediación. Dita medida educativa axuda ao alumnado a resolver os seus conflitos dunha forma pacífica, a través do diálogo e buscando xuntos solucións satisfactorias para ambas partes. De novo, os alumnos/as de 5º e 6º de Educación Primaria participarán na implementación de dita medida.

Caixa de correos de convivencia

Durante este día explicamos o funcionamento da nosa caixa de correos de convivencia. É unha ferramenta de comunicación co obxectivo principal de recoller información que doutra maneira non se expresaría. Ademais deste propósito persegue outros como: Recoller as suxerencias de todos/as para que o noso centro sea inclusivo e amable e facer sentir a calquera que poida sufrir no noso centro que non está só e que se lle escoita.

Xornada de coordinación

O pasado xoves 27 de xuño, a xefatura do departamento de orientación e as titores de 6º de educación primaria tivemos unha reunión no IES O Ribeiro. En dita reunión trasladamos información sobre o alumnado que o vindeiro curso estará escolarizado en 1º da ESO. Falamos das distintas necesidades do alumnado aspecto moi importante á hora de organizar grupos e atendelas.

Visita Centro de Saúde de Ribadavia

O pasado mércores 5 de xuño, a clase de 6º de Educación Infantil realizou unha visita guiada ao centro de saúde da vila. Pretendíase que coñeceran aos distintos profesionais que traballan nel e a labor que desenvolven. Recibiron información dunha maneira lúdica e dinámica: montaron na ambulancia, escoitaron o latexo do seu corazón, visionaron vídeos sobre como limparse (correctamente) os dentes, recibiron un debuxo relacionado coa alimentación saudable, acudiron á sala onde se traballa coas persoas que teñen que facer rehabilitación (romper unha man...)... Por último recibiron como agasallo un libro dos Bolechas e unha pulseira confeccionada por un profesional do centro. Moitas grazas!

Xornada de acollida no IES

O pasado 29 de maio de 12:15 a 13:30, co obxectivo de acadar unha mellor transición entre as etapas e reducir a posible inquedanza que isto poida ocasionar no alumnado, organizouse unha visita guiada polas instalacións do IES para o alumnado de 6º de primaria.