Apuntámonos a non beber

Neste segundo trimestre fíxose unha intervención no centro escolar para o alumnado por parte da persoa da xefatura territorial de sanidade responsable do programa. Analizouse con espírito crítico a publicidade de bebidas alcohólicas e as estratexias que empregan para a procura de novas persoas consumidoras (mensaxes, cores, imaxes, linguaxes; asociación entre o consumo de bebidas alcohólicas con determinados valores sociais,...).

Actividades conmemoración 8 M

Ademais das múltiples actividades que se levaron a cabo nas distintas aulas para romper os estereotipos de xénero, podemos destacar a realización de diversos traballos de investigación. Ditos traballos versan sobre a biografía de distintas mulleres pertencentes á época medieval (estamos inmersos nun proxecto relacionado coa época).