Ciberseguridade con Bernardo Viqueira

Neste mes de novembro propoñemos novos encontros para a comunidade educativa. Desta volta contamos con Bernardo Viqueira, hacker profesional, que nos vén desvelar moitas das cuestións que descoñecemos sobre os riscos da pegada dixital e a súa importancia na nosa rutina con móbiles e tabletas. Os alumnos/as de 5º e 6º de Educación Primaria o día 23 de novembro, seguiron online a charla. Para Viqueira o mundo do hacking é a súa paixón. Ten reportado fallos de seguridade a empresas coma Deezer, Starbucks e Yahoo; colaborado con organismos gubernamentais; e participado en varios programas de televisión e radio. Este encontro ten como obxectivo tomar conciencia do que realmente significa a pegada dixital, tanto dende unha mirada ao presente coma pensando no futuro.