Xornada de acollida no IES

O pasado 29 de maio de 12:15 a 13:30, co obxectivo de acadar unha mellor transición entre as etapas e reducir a posible inquedanza que isto poida ocasionar no alumnado, organizouse unha visita guiada polas instalacións do IES para o alumnado de 6º de primaria.

Xornada de formación do EQUIPO DE ACTUACIÓN CONTRA O ACOSO ESCOLAR

O pasado xoves 23 de maio, un integrante do equipo ACAE do noso centro, acudiu a unha xornada de formación (celebrada na Cidade da Cultura) contra o acoso escolar. Recibiu información sobre o mesmo na rede, o seu impacto na saúde mental do alumnado, a súa abordaxe xurídica. Tamén incidiuse na confidencialidade e na protección de datos.

Visita a Marcelle

O pasado mércores 15 de maio, o primeiro ciclo de Educación Primaria realizou unha visita a Marcelle Natureza. O lugar anteriormente mencionado é un parque zoolóxico localizado no municipio galego de Outeiro de Rei. Os animais alóxanse en condicións que permitan a satisfacción das súas necesidades físicas e psicolóxicas e proceden doutros zoos, centros de recuperación ou centros de rescate, nunca de capturas de animais en liberdade.

Día Internacional contra o Acoso Escolar

Unha persoa experta das Forzas e Corpos de Seguridade do Estado (PLAN DIRECTOR), impartiu unha charla informativa sobre o acoso escolar. Este ano incidiuse moito no tema do ciberacoso. Dito termo utilízase para describir cando un neno/a ou adolescente é molestado, ameazado, acosado, humillado, avergoñado ou abusado por outro neno/a ou adolescente, a través da INTERNET ou calquera medio de comunicación como teléfonos, móviles ou táblets.

Fomos explicando en que consiste o "PUNTO LARANXA". É unha medida impulsada desde a Xunta de Galicia co obxectivo de erradicar o acoso e o ciberacoso nos centros educativos, grazas á colaboración de alumnado, docentes, familiares e outras persoas próximas á comunidade educativa.

Entre os libros utilizados podemos destacar: Non quero ir! Versa sobre a historia dunha nena que logrou superar o acoso. Neste conto os autores abordan cunha enorme sensibilidade o tema do acoso escolar. Logran meterse con éxito na pel dunha persoa que é víctima dunha situación de terrible actualidade.