Colexio Benquerer

O pasado mércores 26 mantivemos unha reunión cunha representante da Fundación Meniños. O "Colexio do Benquerer" é unha proposta de dita fundación para traballar a educación afectiva dunha maneira integral, cunha base de igualdade, respecto á diversidade, educación emocional e fomento do pensamento crítico.

Reunión Cruz Vermella Ribadavia

O pasado luns 24 de outubro mantivemos unha reunión coa Cruz Vermella do noso concello. Xurdiron diversas propostas para a organización do día do 25 de novembro.

Reunión Rede RAOGAL no IES Vilamarían

O pasado luns 24 de outubro realizouse no IES Vilamarían unha reunión da Rede RAOGAL. A Rede RAOGAL é unha rede de orientación persoal e familiar de Galicia composta por unha serie de centros que prestan servizo a súa area de influencia. Teñen o obxectivo de "desenvolver actuacións de seguemento ao alumnado con maiores dificultades". Esta Rede tamén serve de apoio e reforzo ao traballo dos máis de 4.000 profesionais adicados á orientación e ao

reforzo educativo que diariamente traballan de forma ordinaria nos centros educativos galegos.

Equipo de mediación

A mediación é unha medida educativa que intentamos levar no centro para axudar ao alumnado a resolver os seus conflitos dunha forma pacífica, a través do diálogo e buscando xuntos solucións satisfactorias para ambas partes. Os alumnos/as de 5º e 6º de Educación Primaria participarán na implementación de dita medida.

Caixa de correos de convivencia

Este curso comezou a funcionar (de novo) a nosa caixa de correos de convivencia. Quere ser unha ferramenta de comunicación. O seu obxectivo prioritario é recoller información que doutra maneira non se expresa. Unha vez recollida dita información, activarase un protocolo de investigación e derivarase a onde corresponda. Ademais deste propósito persegue outros como: -Recoller as suxerencias de todos/as para que o noso centro sea inclusivo e amable. -Facer sentir a calquera que poida sufrir no noso centro, que non está só e que se lle escoita.